|
Llwybr ein taith, Haf 2005 ...
Datblygiad Glannau'r Môr
Yr ydym yn awyddus iawn i gasglu gwybodaeth am
agweddion a theimladau'r cyhoedd tuag at y cynlluniau i ddatblygu glannau'r
môr yn ardal Porthyfelin (am ragor o wybodaeth gellwch ddarllen yr erthygl
am Ddatblygiad Arforol yn yr adran Newyddion ar ein gwefan). Byddem yn
ddiolchgar iawn i glywed gennych!
Cysylltwch >>
|
PROSIECTAU
Ym 1848, yr oedd rheilffyrdd yn cael eu datblygu'n gyflym ar draws y wlad.
Penderfynodd y llywodraethau lleol a chenedlaethol ymgymryd â'r gwaith
o adeiladu morglawdd yng Nghaergybi a fyddai'n ymestyn allan i'r môr am filltir
a hanner. Yr oedd yn dasg aruthrol a fyddai'n cymryd pum mlynedd ar hugain
i gwblhau.
Yn y blynyddoedd canlynol, rhoddodd y morglawdd loches i amrywiaeth o
longau. Profodd i fod yn fan delfrydol i ddatblygu harbwr mewnol masnachol
sydd bellach yn borthladd pwysig i deithwyr a thrafnidiaeth masnachol rhwng
Prydain, Ewrop a'r Iwerddon. Heddiw, mae'r porthladd yn gartref i'r fferis
diweddaraf ac fe'i defnyddir yn flynyddol gan oddeutu pedair miliwn o deithwyr.
Blynyddoedd maith wedyn yn 2003, wedi cyfnod hir o ymgyrchu lleol, cytunodd yr
awdurdodau lleol a pherchnogion y porthladd y dylid gwneud mwy i elwa ar ein
treftadaeth lleol trwy wella'r Parc Gwledig a sefydlwyd yn barod fel ardal
gadwraethol o fri. Penderfynwyd ail-sefydlu rheilffordd o gledrau cul rhwng
yr hên chwareli a'r goleudy ar ddiwedd y morglawdd, pellter o ddwy filltir a
hanner.
Yn rhan gyntaf 2004, gyda chefnogaeth Cymunedau yn Gyntaf, ffurfiwyd grŵp a fyddai'n
gyfrifol yn gyntaf am gofnodi a chadw'r treftadaeth lleol, ac yna'i sicrhau fod yr holl
ardal ar gael i'r cyhoedd. I'r perwyl hwn, dechreuodd y trên bach redeg rhwng Cei Mackenzie,
Traeth Newry a'r Parc Gwledig yng Ngorffennaf, 2005.
Gan fod gwasanaeth y trên bach wedi ei sefydlu erbyn hyn, gallem ddechrau
canolbwyntio ar brosiectau newydd: cynlluniau'r rheilffordd gul, a chreu
arddangosiad barhaol yn cofnodi hanes y chwareli ac adeiladu'r morglawdd. Yr ydym
hefyd yn gobeithio ail-sefydlu'r rheilffordd safonol a redai ar hyd y morglawdd.
Ar ben hyn, yr ydym yn gobeithio cyd-weithio'n agos gyda'r Amgueddfa
Arforol mewn prosiect i atgyweiro'r goleudy ar ddiwedd y morglawdd.
|
|
Jennifer Horsford a Brian Wills, rhai o sylfaenwyr CRMC, gyda'r Drên Bach, Medi 2007.
|
Cynllun gwefan gan
eDesign.
©
Cwmni Rheilffordd Morglawdd Caergybi 2004-2008.
Noddir y prosiect hwn gan
cymunedau yn gyntaf | communities first.
|
